Janvārī dzymuši ir pa lēlokai daļai nervosi, mīļoj škandala, dzāroji, nav nikaidas patmīļeibas, ilgi nadzeivoj, tai ap 40 godim.
Februarī dzymuši ir nastypri, ar slyktu golvu, nav apkērīgi, dzeivoj pori 30 godim, nav dzāroji.
Martā dzymuši ir apkērīgi, dzeinīki, "pisaceļi", gudri, skrējēji, lobi runotoji, dzeivoj nailgi, pi 40 godim.
Apreļī dzymuši ir napastovīgi, laimīgi, gudri, lobi žuliki, dzāroji, poši sovu naudu nadzer, bet cytus šmauc.
Majā dzymuši ir "ščastlivi", gudri, pastovīgi un
žulikavati, nadzer, vysi šimā mēnesī dzymušī ir īvārojami cylvāki.
Junī dzymuši ir gudri, niknaini, kaimiņi mīloj aprunot, veirīši ir vairok baznīckungu, un sīvītes mīloj relegiju, dzeivoj pori 50 godim.
Julijā dzymuši ir podīvīgi, nadzāroji, nav apkērīgi, draudzīgi, korsti, slimīgi, dzeivoj nailgi 30 godu pori.
Augustā dzymuši ir rasni, nasopratīgi, ijam lobas vītas, dzāroji leidz 50 godim un leli kaušļi, škandalisti, bezgola daudzi peipej, sīvas namīļoj, dzeivoj gon ilgi, tai ap 80 godim.
Septembrī dzymuši ir apzinīgi, mīļoj puiši daudzi meitu, slimīgi, bet stypri napeipej, dzer, mīrīgi dzeivoj pi 30, ka tūs nūdzeivojs, tad dzeivos vairs kai 70 godu.
Oktobrī dzymušī slimīgi, nadzāroji, ūtra monta nakaita nikimā, sirdeigi, meļi, bet dīvbaiļīgi, dzeivoj 53 godi, vairok vai pat mozok.
Novembrī dzymuši ir labsirdīgi, skaisti, gudri, patmīļīgi, "pisaceļi", leļi jūkotoji, napeipej, nadzer. Puiškyņi brīsmīgi ļūbej meitiņas un tur tās cīnā, apdūmīgi, zeimātoji leli, ļūbej putnus un zvērus, atkloti, reliģiozni, dzeivoj pi 80 godim, jo nūdzeivoj 12, ta dzeivoj leidz 75, un jo tūs nūdzeivoj, tad leidz 80 g.
Decembrī dzymuši ir brīsmīgi dūsmīgi, nūteikti, nadzāroji, gūdīgi, gudri. Laimīgi, dzeivoj pi 45 vai 30 godu.
Iesūtījis ROBERTS VEIPS
(No seniem latgaļu kalendāriem)